المستقبل العراقي /انتصار الجنابي
شاب وفنان مصري طموح يعشق الفن ويجد نفسه في الكوميديا .. إنه الفنان ريمون عطا كان لي معه هذا الحوار
•من هو ريمون عطا
شاب مصري سكندري عادي خالص معهد فنادق وسياحة اشتغلت حاجات كتيرررر جدا وتعبت جدااااا ودخلت مجال التمثيل بالصدفة
رغم أنى كان حلمي أنى امثل او أقف قصاد كاميرا بس الصدفة لعبت معايا وبدون ترتيب لقيت نفسي قصاد الكاميرا وبعمل اول مشهد فى حياتى مع على ربيع وهيثم احمد ذكى والزعيم عادل أمام وكان فى مسلسل استاذ ورئيس قسم
وبعد كدة توالت الأدوار في مسلسلات وأفلام بس هو ده ريمون
جميل أرى فيك الشاب المصري الطموح .. من يمثل من الفنانين الكبار قدوة لك ؟
الأسطورة نور الشريف
والراحل احمد ذكى طبعا
•ريمون عطا . . . . يميل إلى الدراما أم إلى الكوميديا وأين يبدع ؟
الكوميديا
لان مشهد الكوميديا بعيش في ذهن المشاهد بكل حرف في،علشان كدة بحب اعمله صح وصح جدا كمان.
•هل أنت راض عن دورك في مسلسل استاذ ورئيس قسم .. حدثنا قليلا عن تلك التجربة لا مش راضى
لانا كان دوري في البداية ضابط شرطة قوات خاصة وبالصدفة الغير مقصودة تم تحويل دورى من ظابط لمتظاهر من متظاهري يناير وكان دور انا مش حابه بس عملته علشان احط رجلي على اول الطريق ومضيعش فرصة جاتلي صدفة
عملته وعملته كويس جداااااا لدرجة أنى أصبحت متظاهر أساسي في كل تظاهرات المسلسل وتوالت المشاهد الا جمعت بيني وبين نجوم كبار
من حبس واعتقال وقبض علينا في المظاهرة حاجات كنير
البداية كانت صدفة بس اجتهدت علشان اخلي دوري يكبر وميبقاش صدفة ويبقالي دور اساسي
•تؤمن أن هناك شيء اسمه صدفة مقصودة وغير مقصودة . . وما دور المخرج في لعب تلك الصدف ؟
اه طبعا في صدفة مقصودة وصدفة غير مقصودة الصدفة المقصودة أنى اكون ليا حد داخل العمل يرشحني لدور لاني صديقه او قريبه اووو إثناء تواجدى اثناء التصوير
والصدفة الغير مقصودة ان المخرج يختارني للدور بدون تدخل او وسطة من احد لأنه شايف فيا حاجة توهلني للدور
• هل هناك أعمال فنية جديدة تجمعك بكبار الفنانين .. وماهو دورك فيها ؟
حاليا مافيش اى شغل مطروح في السوق وخصوصا إننا خارجين من موسم رمضان وتصوير امتد شهور وكل الناس خارجة تعبانة ودي فترة راحة لحين البدء في تصوير اعمال رمضان المقبل
أستاذ ريمون استمتعت في الحوار معك وشكرا لرحابة صدرك .
•هل هناك كلمة تحب أن تقولها لختم حوارنا هذا الذي جاء من غير ميعاد
انا تحت أمرك دايما وارجوا لحضرتك التوفيق والنجاح وكلمتي لكل الا عابز يدخل المجال حب الكاميرا علشان تنجح
اول لما تقف امام الكاميرا ابتسم وقولها بحبك اعتبرها حبيبتك الا عايز تنجح قصادهاعلشان تكون جدير بيهاوتحياتي لحضرتك.